ԴՆԹ-ն թույլ կտա ինֆորմացիան գրեթե հարատև անվնաս պահպանել

Քեմբրիջի համալսարանի Բիոինֆորմատիկայի եվրոպական ինստիտիուտի հետազոտողները մշակել են մի նախագիծ, համաձայն որի հնարավոր է ինֆորմացիան պահպանել ԴՆԹ-ում: Ընդհանուր ծավալի և քաշի համամասնությունը կազմում է 2.2 պետաբայթ մեկ գրամում, ավելի պատկերավոր ասած՝ մեկ բեռնատարում հնարավոր կլինի տեղավորել մարդկությանը հայտնի ամբողջ ինֆորմացիան:

Այս տեխնոլոգիայի միակ խնդիրը ինֆորմացիան գրելու գինն է: Այս պահի դրությամբ մեկ մեգաբայթ ‌ինֆորմացիան գրելու համար ծախսվում է 12.400 դոլար, որը մեկ միլիոն անգամ ավելի թանկ է, քան մյուս հայտնի նման մեխանիզմները:

Մագնիսական սկավառակներում ինֆորմացիան պահպանելու դեպքում անհրաժեշտ է դրանք մի քանի տարի հետո նորով փոխարինել, իսկ ԴՆԹ-ում ինֆորմացիան կարող է պահպանվել տասնյակ հազարավոր տարիներ, քանի դեռ այն գտնվում է սառը, մութ և չոր վայրում, ընդ որում առանց որևէ էներգիա ծախսելու և առանց էկոլոգիական աղտոտման:
Սա հնարավորություն կտա ինֆորմացիան գրեթե անվերջ անվնաս պահել:
Այս տեխնոլոգիան հասարակությանը հասանելի կլինի առաջիկա 50 տարիների ընթացքում,- հաղորդում է ogneci.com-ը:
 

---

Что такое ДНК?